07 декабря 2018 г.
ВĂРМАНХĔРРИ Шăхалĕнчи Матрена Васильевна Матвеева ĕç ветеранĕ, тыл хастарĕ тата салтак арăмĕ çак кунсенче пысăк юбилейне - 95 çул тултарнине паллă тунă. Паллах, çак ятпа хисеплĕ тăхăр ача амăшне район администрацийĕнчен, ял тăрăхĕнчен те чыслăн саламланă, Раççей Федерацийĕн Президенчĕн, район администрацийĕн пуçлăхĕн саламлă çырăвĕсене те çитернĕ. Юбилей чыслă та хисеплĕ иртнĕ.
Вуннăмĕш теçеткене çывхаракан хĕрарăм паян та хăйне чылай çамрăк туять, сăнĕпе те тип-тирпейлĕ, ăсĕпе те улшăнман, куçĕ те çивĕч-ха. Хаçат-журнал вуламасăр пĕр кун иртмест. Çакна Матрена Васильевна чăн малтанах яланах ĕмĕр тăршшĕпе ырă кăмăл-шухăшпа пурăннипе çыхăнтарать. Ирхи хускану-зарядкăпа кунне пĕр-икĕ пан улми, ытти пахча çимĕç çини те организма пĕр шайра тытса тăма пулăшать тесе çирĕплетет ватă.
Источник: "Авангард" (газета Батыревского района)