12 октября 2018 г.
НĂРВАШ ШĂХАЛЬ 400 çул ытла каялла пуçланса кайнă теççĕ. XIX ĕмĕрте çакăнта пурăнакансем Николай Чудотворец иконне тупнă. Çав вырăнта вара çăл тапса тухнă. Ял çыннисем ăна хăтлăлатнă, Хĕллехи Микула кунĕнче, декабрĕн 19-мĕшĕнче, сăвапланă. Çакăн хыççăн кунта священиксемпе прихожансем час-часах çỹренĕ, молебенсем ирттернĕ, анчах самана улшăнсан вăл манăçа тухнă.
Нумай пулмасть Галина Савельевăпа Нина Матвеева пуçарнипе çăл куçа çĕнетнĕ. Вĕсен ырă шухăшне Нăрваш Шăхаль ял администрацийĕпе ял çыннисем те хапăл тунă. Мероприятие хутшăнакансем çăла тарăнлатнă, тасатнă, территорие тирпейленĕ. Халь килсе çỹреме те, шыв ĕçме те кăмăллă.
Источник: "Авангард" (газета Батыревского района)