Публикации » Театр çулталăкне кĕтме хатĕр

28 сентября 2018 г.

Çитес çул Чăваш Енре Театр çулталăкĕ. Çавна май çĕнĕ çулта хамăр халăхăн пурнăçĕпе, культурипе, йăли-йĕркипе çыхăннă пьесăсемпе сценкăсем черетленсех сцена çине тухĕç. Районти хăш-пĕр культура çурчĕсем çумĕнче ĕçлекен кружок хастарĕсем ăна хатĕрлеме те пикеннĕ. Акă, Нăрваш Шăхалĕнчи культура çурчĕн ĕçченĕсем хăйсен клубĕнче йĕркеленĕ культура работникĕсен итоглă семинар-канашлăвĕнче ăна пахалаттарма та ĕлкĕрнĕ. Сăн ỹкерчĕкри "Салтак арăмĕ" (Николай Анкиловăн) спектакле чăн малтан хак паракансем ĕçтешĕсем пулнă. Артистсем Тăван çĕршывăн Аслă вăрçи вăхăтĕнчи çăмăл мар пурнăç саманчĕсене уçса панă.

(Хамăр корр)

Источник: "Авангард" (газета Батыревского района)