10 апреля 2018 г.
Районти ял тăрăхĕсем хушшинчи спартакиада условийĕпе килĕшỹллĕн Патăрьелĕнчи "Паттăр" физкультурăпа спорт комплексĕнче сĕтел çинче теннисла выляссипе ăмăрту иртнĕ. Спортăн çак тĕсĕ Юхмапа Пăла тăрăхĕнче волейбол е футбол пекех анлă сарăлнă тесе калаймăн. Çавăнпах-и, черетлĕ ăмăртăва та тăватă ял тăрăхĕ çеç - Нăрваш Шăхальсем, Алманчăсем, Туçасем, Патăрьелсем - хутшăннă. Ăстасем хушшинче вара кăçал та пĕлтĕрхи пекех Туçасене çитекенни пулман. Вĕсем хальхинче те пĕрремĕш вырăн йышăннă. Команда чысне Л. Егорова, А. Мулюков тата К. Глинкин хỹтĕленĕ. Нăрваш Шăхальсемпе Алманчăсем иккĕмĕшпе виççĕмĕш вырăнсене пайланă.
Источник: "Авангард" (газета Батыревского района)