Публикации » Ирина Калентьевăра_ пысăк шанăç

12 августа 2016 г.

 Çурла уйăхĕн 5-мĕшĕнче Бразилири Рио-де-Жанейрăра старт илнĕ Олимпиада вăй илсех пырать. Унта Раççей спортсменĕсем те лайăх кăтартусемпе палăраççĕ. Тĕнчери чи сумлă ăмăртура çĕршыв чысне 287 спортсмен хỹтĕлет. Вĕсем спортăн 30 ытла енĕпе тупăшаççĕ. Çакна та палăртса хăвармалла. Вĕсем хушшинче пирĕн ентеш, 2008 çулхи Олимп вăййисен бронза призерĕ Ирина Калентьева пулни республикăшăн, Раççейшĕн çеç мар, Юхмапа Пăла тăрăхĕшĕн уйрăмах пысăк мăнаçлăх. Нăрваш Шăхаль чиперкки маунтинбайкистсен турнирĕнче çурла уйăхĕн 20-мĕшĕнче вăй виçĕ. Яланах малалла ăнтăлакан спортсменкăна пысăк çĕнтерĕве çĕнсе илме ăнăçу сунмалли çеç юлать. Унра _ пысăк шанăç!

Источник: "Авангард" (газета Батыревского района)