05 марта 2014 г.
Нăрваш Шăхалĕнчи вăтам шкул спорт залĕнче ял ĕçченĕсемпе вĕренекенсем хушшинче тĕрлĕ ăмăрту иртрĕ. Уяв парадĕнче спортсменсене ял тăрăхĕн пуçлăхĕ Н. Айкин саламларĕ.
Ăмăртăва тĕл перекенсем пуçларĕç. 30 çынна яхăн пĕрин хыççăн тепри винтовкăсенчен мишене тĕллерĕç. Чи çивĕч куçли вара Н. Митрофанов пулчĕ. 42 очкопа иккĕмĕш вырăна спорт ветеранĕ В. Бородкин йышăнчĕ. Виççĕмĕшĕнче _ В. Афанасьев.
Волейболла выляса "Студенты", "Шигали", "Школьники" командăсем ăмăртрĕç. Чемпион ятне "Студенты" тивĕçрĕ. Ял поселенийĕн команди иккĕмĕш вырăна тухрĕ. Виççĕмĕшĕнче вара шкул ачисем пулчĕç.
Мала тухнă тата призлă вырăнсене йышăннă командăсемпе уйрăм çынсем ял тăрăх администрацийĕн Хисеп грамотисемпе асăнмалăх парнисене илчĕç.
В. МИХАЙЛОВ
Источник: "Авангард" (газета Батыревского района)