12 февраля 2014 г.
Нăрваш Шăхалĕнчи вăтам шкулта çак вăхăтра студентсемпе тĕл пулу ирттерессине йăлана кĕртнĕ. Вĕсем тăван шкула кашни çулах йышлăн пуçтарăнаççĕ. Кăçал та акă çамрăксем учительсемпе тата вĕренекенсемпе волейболла выляса тупăшрĕç. Малтанах площадкăна шкул çуртĕнче пĕлỹ пухакансемпе педагогсем тухрĕç. Кĕçĕннисем аслисене 2:0 шутпа выляса ячĕç. Чи интереслĕ те çивĕч тупăшу студентсемпе учительсен хушшинче иртрĕ. Çамрăксем вĕрентекенсене нимĕнле шанăç та памарĕç, 2:0 шутпа выляса илчĕç. Тепĕр вăйăра вĕсем хăйсен шăллĕсемпе _ шкул ачисемпе вăй виçрĕç. Студентсен команди çĕнтерчĕ. Çак ăмăртура "Чи лайăх вылякан" ята А. Михайлов (Вăрманхĕрри Шăхаль) çĕнсе илчĕ. "Чи лайăх тапăнса вылякан" ята В. Лаврентьев (Нăрваш Шăхаль) тивĕçрĕ.
В. БОРОДКИН, ЧР тава тивĕçлĕ учителе
Источник: "Авангард" (газета Батыревского района)