01 июня 2013 г.
Шупашкар районĕнчи Апашра театра юратакансен фестиваль конкурсĕ иртрĕ. Унта 38 коллектив хутшăнчĕ.
Нăрваш Шăхалĕнчи культура керменĕ çумĕнчи "Куккук" театр кружокĕн членĕсем те пулчĕç конкурсра. А. Смирнова (ертỹçи), Н. Груздева, Т. Узалукова, А. Фролова "Больницăра" ятлă кĕске сценка вылярĕç, ăсталăхĕпе куракансене тĕлĕнтерчĕç. Сумлă жюри членĕсем (СССР халăх артистки В. Кузьмина, И. Ивановпа А. Кутузова Чăваш халăх артисчĕсем, Г. Кирилловпа В. Григорьев Чăваш Республикин тава тивĕçлĕ артисчĕсем) те пысăк хак пачĕç, хăй тĕллĕн вĕреннĕ артистсене II степеньлĕ диплом парса саламларĕç. Клавти рольне вылякан А. Фролована I степенех тивĕçрĕ.
В. БОРОДКИН.
Источник: "Авангард" (газета Батыревского района)