Хирте тракторсен сассисем кĕрлесе çеç тăраççĕ. Пĕрчĕллĕ тата пăрçа йышши культурăсене районĕпе 11327 гектар е 86,1 процент акнă. 13 хуçалăхра тĕш тырра никĕсе хывса пĕтернĕ. Ĕçе кал-кал пыма çĕр пĕр пек пиçменни чăрмантарать.
"Малалла", "Сидели", "Батыревский", "Труд", "Красное знамя", "Исток", "Батырь", "Шанс", "Движение", "Корма" хуçалăхсенче "иккĕмĕш çăкăра" турă аллине параççĕ.
"Исток" агрофирма сахăр кăшманĕ акассине вĕçленĕ. Вăл кăçал та пĕлтĕрхи пекех 300 гектар йышăнать.
Ленин ячĕллĕ агрофирмăра хĕвел çаврăнăш 40 гектар никĕсе хывнă. Хĕрлĕ кăшман - 41, кишĕр - 79, сухан вăрлăхĕ 128 гектар акнă, сухан 1 гектар лартнă.