Публикации » Пĕчĕк Апрушнайсен пысăк савăнăçĕ

НĂРВАШ ШĂХАЛЬ ял поселенине кĕрекен Ясная Поляна хастарĕсем – Апрушнайсем– иртнĕ шăмат кун хăйсен ял уявне кĕрлеттернĕ. Кÿлĕ хĕрне вырнаçнă ытармалла мар уçланкăра вĕсем кăçалхипе тăваттăмĕш хут пуçтарăннă. Сахал йышпах пысăк ĕç тума хăнăхнă хастарсен хавхаланса калаçмалли пайтах пулнă. Акă, юлашки икĕ çулта Софроновсемпе Федоровсен çемйисенче йыш хушăнни хăйех ялăн çутă малашлăхĕ пуррине кăтартса парать. Поселок “мэрĕ” Геннадий Федоров ял шăпишĕн хыпса çунакан хастарсене уйрăммăн палăртнă. С.Фролова ертсе пыракан “Асамат кĕперĕ” пултарулăх ушкăнĕ ял халăхне кичемленме паман, чуна уçакан юрăсем парнеленĕ.