10 мая 2012 г.
Районта 1341 çамрăк çемье шутланать. Вĕсен хушшинче чи-чи пултаруллисене тупса палăртас тĕллевпе вĕрентÿ пайĕнчи çамрăксемпе ĕçлекен центр “2012 çулхи çамрăк çемье” конкурс йĕркелерĕ. Пĕрремĕш тапхăрта тĕрлĕ ял тăрăхĕнчи 10 çемье хутшăнчĕ. Вĕсем презентаци хатĕрлерĕç, кĕске калав çырчĕç, реклама кăтартрĕç. Финал Нăрваш Шăхалĕнче иртрĕ. Унта тăватă çемье – Первомайскинчи Степановсем, Сăкăтри Черновсем, Нăрваш Шăхалĕнчи Васильевсем, Пикшикри Сагдеевсем – тĕл пулчĕç. Çемьесем пĕрин хыççăн тепри хăйсемпе юрласа-ташласа, инсценировкăсемпе усă курса паллаштарчĕç. Хăйсен юратнă апатне те пĕçерсе килнĕ. Туслăхпа юрату хуçаланакан çуртсенче пиçнĕрен пурте тутлă пулнине палăртрĕç жюри членĕсем.
Пĕтĕмлетÿ тунă вăхăтра Нăрваш Шăхаль тата Первомайски ял тăрăхĕсенче йĕркеленнĕ пултарулăх ушкăнĕсем илемлĕ юрăсемпе савăнтарчĕç, конкурсантсене хавхалантарчĕç.
“2012 çулхи çамрăк çемье” ята Сагдеевсем çĕнсе илчĕç.
Источник: "Авангард" (газета Батыревского района)