Публикации » ПАРНЕСЕНЕ – ХУçАРАН

Нăрваш Шăхалĕнчи йĕлтĕр стадионĕнче йăлана кĕнĕ СССР спорт мастерĕ Н.Николаев парнисене çăнсе илессишĕн эстафета ăмăртăвĕсем иртрĕç. Унта Николай Арсентьевича хисеплесе Олимп чемпионĕ Елена Николаева, Олимп вăййисен призерĕ Владимир Андреев та килнĕ. Малтан тĕнчипе паллă спортсменсемпе шкул ачисем тĕл пулу ирттерчĕç. Хăнасем вуншар çĕр-шывра пулни çинчен каласа кăтартрĕç. Спортсменсене чысласа ялти Культура керменĕ çумĕнчи “Утмăл турат” ансамбль концерт лартрĕ. В.Бородкин Раççей тава тивĕçлĕ спорт мастерне, икĕ хут тĕнче чемпионкине халалласа çырнă юрă пурне те килĕшрĕ.

Спорт чăнах та сывлăх хуçи, чăтăмлăх патши. Унпа тачă çывăх пулни хăнасене те тĕлĕнтерчĕ. В. Григорьев физкультура учителĕпе В. Афанасьев тренер йĕлтĕр йĕрĕсене чăрăш лăссипе тата тĕрлĕ шывпа пĕр-пĕринчен уйăрса илемлĕ хатĕрлеттерме пултарни те илĕртÿллĕ пулчĕ. Старта 5-6 классенче вĕренекенсем тăчĕç. Командăсенче виçшер арçын ачапа хĕр ача пулчĕç. Çивĕч тупăшура пиллĕкмĕшсем çĕн-терчĕç. 7-8 классенчен каллех кĕçĕннисем мала тухрĕç. 9-11 классенче вĕренекенсем хушшинче финиша малтан тăххăр-мĕшсем кĕчĕç.

Малалла йĕлтĕр спортне юратакансем кĕске дистанцисенче хăйсен пултарулăхне тĕрĕс-лерĕç.

Старта йĕлтĕр спорчĕн ветеранĕсем те тăчĕç. Хĕрарăмсенчен чи пултарулли М.Николаева пулчĕ. Ун хыççăн финиша Т.Кузьмина, виççĕмĕш М.Потапова çитрĕç. Çамрăкраххисенчен П. Лаврентьева, В.Исаева, Г.Осипова призерсем пулчĕç. Арçын ветерансенчен чи вăйли – Н. Афанасьев. Унтан А. Шаймановпа А.Смирнов лайăх йĕл-тĕрçĕсем пулни палăрчĕ.

Бригадăсем хушшинчи тупăшура Н.Николаев ячĕллĕ хисепленекен тĕп кубока иккĕмĕш бригада спортсменĕсем тивĕçрĕç. Çĕнтерÿçĕсене Николай Арсентьевич асăнмалăх парнесем парса чыс турĕ.