11 февраля 2012 г.
РАЙОНТА оборонăпа спорт ĕçĕн уйăхлăхĕ пынă май Нăрваш Шăхалĕнчи вăтам шкулта “Салтака – çыру” ятпа акци йĕркеленĕ. В. Тереньева класс ертÿçин пуçарăвĕпе саккăрмĕшсем Сергей Аксаков, Олег Терентьев, Василий Чанга службăра тăракан çар чаçĕсене саламлă çырусем шăрçаланă. Амур облаçĕнче, Буряти Республикинче, Мускав облаçĕнче хăйсен Конституци тивĕçне пурнăçлакан аслă пиччĕшĕсене пулас салтаксемпе пикесем ăшă сăмахсемпе хавхалантараççĕ, ял, район ятне çÿлте тытса пысăк чыспа таврăнма ырă сунаççĕ. Çак пуçарăва ытти çĕрте аталантарма та май пур. Çакăншăн салтаксем питĕ кăмăллă пулĕччĕç.
Источник: "Авангард" (газета Батыревского района)