Публикации » Эстафетăра Патăрьел ял поселенийĕ çĕнтернĕ

Районта ял поселенийĕсен спартакиади пынă май “Паттăр” стадионта тĕрлĕ енлĕ спорт ăмăртăвĕсене пĕрлештерсе эстафета йĕркеленĕ. Спортсменсем пневматикăлла винтовкăран персе, çуран 600 метра, велосипедпа пĕр çухрăма чупса ăмăртнă. Спартакиада программипе килĕшÿллĕн çакă тĕп программа шутланать пулин те ăмăртăва пилĕк ял поселенийĕ çеç команда тăратнă: Патăрьел, Нăрваш Шăхаль, Ыхра Çырми, Хирти Пикшик, Аслă Чемен.

Ăмăрту çивĕч кĕрешÿре иртнĕ. Патăрьел ял поселенийĕн спортсменĕсем 4 минут та 19 секкундра тухса эстафета çĕнтерÿçисем пулнă. Команда чысне К.Хвостова, П.Поляков, А.Владимиров хÿтĕленĕ. Иккĕмĕш вырăнта Нăрваш Шăхальсем, виççĕмĕшĕнче – Ыхра Çырмисем.