Публикации » Çуралакансем сахалтарах, вилекенсем нумайрах

Хальхи вăхăтра ача çуратакансем сахалах мар пулин те, вилекенсен шучĕ ытларах. 2010 çулта 556 пепке çут тĕнчене килнĕ пулсан, 619 çын пурнăçран яланлăхах уйрăлнă. Хĕрарăмсен вăтам кун-çулĕ 77 çул, арçынсен ĕмĕрĕ вара 64 çул çеç. Пĕтĕмĕшле илсен районти 56 ялтан 19-шĕнче маларахри çулпа танлаштарсан ача çураласси ÿснĕ. Çав вăхăтрах 28 ялта çемьене “çĕнĕ кайăк” хушăнасси чакни пăшăрхантарать. Тăватă ялта тин çуралнă пепкесен йышĕ çав шайрах пулсан, пилĕк ялта вара çамрăксем пĕр ача та çуратман. Çакă, паллах, пăшăрхантарать. Патăрьел, Шăнкăртам, Нăрваш Шăхаль, Вăрманхĕрри Шăхаль, Еншик, Кзыл Камыш, Кĕçĕн Патăрьел ялĕсенче вара демографи лару-тăрăвĕ чи кăтартулли.