05 февраля 2011 г.
Çак кунсенче Етĕрне хулинче 1994 çулхи тата унран кĕçĕнрех хĕр ачасемпе арçын ачасем хушшинче йывăр атлетика енĕпе республикăри ăмăрту иртнĕ. Унта пирĕн районти ачасемпе çамрăксен спорт шкулĕнчи Н.Зимин, Н.Давыдов, А.Платонов, С.Трифонов тренер-преподавательсем ертсе пыракан команда пĕрремĕш вырăна, хĕр ачасем вара иккĕмĕш вырăн çĕнсе илнĕ. Хăйсен виçисенче Н.Шайманова, М.Камасова (Нăрваш Шăхалĕнчи вăтам шкул), С.Немцева, И.Исаева (Патăрьелĕнчи пĕрремĕш вăтам шкул), А.Мышов, Э.Карсаков (Алманчăри вăтам шкул) пĕрремĕш, Д. Давыдов (Нăр-ваш Шăхалĕнчи вăтам шкул), Д.Исаков, А.Карсаков (Алманчăри вăтам шкул) иккĕмĕш, Л.Николаева (Нăрваш Шăхалĕнчи вăтам шкул), Г.Карсаков, Д.Гаврилов (Алманчăри вăтам шкул) виççĕмĕш вырăнсене йышăннă.
Н.Зимин тренер-преподавателĕн воспитанникĕсем Э.Карсаковпа В.Леонтьев çак ăмăртура спорт мастерĕн кандидачĕн нормативне пурнăçланă
Источник: "Авангард" (газета Батыревского района)