06 октября 2010 г.
Çак кунсенче Нăрваш Шăхалĕнчи Юрий Анатольевичпа Галина Васильевна Григорьевсен çемйине черетлĕ ырă хыпар çитнĕ. Чăваш патшалăх университечĕн экономика факультетĕнче иккĕмĕш курсра вĕренекен Р. Григорьевăна РФ Ял хуçалăх министерствин дипломĕпе чысланă. Студентка сумлă наградăна “Манăн пĕчĕк çĕр-шыв” ятпа ирттернĕ Пĕтĕм Раççейри конкурса хутшăнса тивĕçнĕ.
Рая 2003 çултанпа истори, экономика, обществознанипе биологи наукисемпе çине тăрса кăсăкланать. Хастар студентка республикăра, регионта иртекен наукăпа практика конференцийĕсен призерĕ. 2008 çулта РФ Президенчĕн талантлă çамрăксене хавхалантармалли премине тивĕçнĕ, ун хыççăн творчествăри пултарулăхшăн Чăваш Ен Президенчĕн стипендине илсе тăнă.
Источник: "Авангард" (газета Батыревского района)