22 марта 2014 г.
Кзыл Чишмари врач офисĕнче донор кунне пĕрремĕш хут ирттермеççĕ ĕнтĕ. Çакнашкал ыр кăмăллăх акцине çулталăкне темиçе хутчен те йĕркелеççĕ. Апла пулин те ял çыннисем хăйсен ирĕкĕпе юн панин пĕлтерĕшĕ пирки лайăх ăнланаççĕ. Хальхинче те Алманчă тата Кзыл Чишма ял тăрăхĕсенчи хастарсем сăвапшăн кар тăнă. Яланхи паттăрсенчен Алманчăри педагогсен коллективне асăнса хăвармалла. Марианнăпа Алла Горбуновасем, Вероника Краснова, Галина Волкова, Татьяна Алексеева, Алевтина Гаврилова, Сергей Никитин, Петр Каруев, Антонина Краснова, Юрий Терентьев ырă ĕçе яланхи пекех сăмах-юмахсăрах хутшăннă.
Источник: "Авангард" (газета Батыревского района)