17 апреля 2018 г.
Районти халăха ĕçпе тивĕçтерекен центр специалисчĕсем граждансене ĕç рынокĕн лару-тăрăвĕпе, вакансипе, вăхăтлăх ĕçе вырнаçмалли майпа, тỹлевлĕ обществăлла ĕçпе тĕплĕнрех паллаштарас тĕллевпе кашни уйăхрах ял тăрăхĕсене тухаççĕ, вырăнти çынсемпе тĕл пулаççĕ. Иртнĕ эрнере куçăмлă бригади Ыхра Çырми ял тăрăхĕнче пулнă.
Сăмах май каласан, çулталăк пуçланнăранпа Юхмапа Пăла тăрăхĕнчи çынсене ĕçпе тивĕçтерес тĕлĕшпе тимлекен центр пулăшăвĕпе 35 çынна обществăлла ĕçе вырнаçтарнă. Çакнашкал ушкăнри граждансем ытларах ял тăрăхĕсенче тирпей-илемпе çыхăннă ĕçсене хутшăнаççĕ. Ятарлă программăна пурнăçа кĕртме патшалăх 179921, 81 тенкĕ уйăрнă. Çавăнпа та районти организаци-предприяти ертỹçисем унта хутшăнма заявка тăратма пултараççĕ.
Источник: "Авангард" (газета Батыревского района)