01 декабря 2017 г.
Патăрьел районĕнчи Чăваш Ишекĕнче пурăнакан Уткинсем Раççейри чи лайăх çемьесен шутне кĕнĕ.
Пĕр ачана ура çине тăратасси те çăмăл мар та… 11 ача пулсан вара. Кунашкал çемьесем, тем тесен те, пысăк хисепе тивĕç. Каролина тата Анатолий Уткинсем, акă, 30 çул пĕрле пурăнаççĕ, икĕ ача çуратса ỹстернĕ вĕсем. Кунсăр пуçне тата çывăх çыннисемсĕр тăрса юлнă тăхăр ачана хăйсен хỹттине илнĕ.
Чỹк уйăхĕн 24-мĕшĕнче Мускавра Пĕтĕм Раççейри «Çулталăк çемйи» II конкурс çĕнтерỹçисене чысланă. Уткинсем «Нумай ачаллă çемье» номинацире мала тухнă. Вĕсене уявра çак ятпа РФ Президенчĕ çумĕнчи ача правин уполномоченнăйĕ Анна Кузнецова саламланă, сумлă награда панă.
Источник: "Хыпар"