Публикации » Çулталăкри çемье

29 ноября 2017 г.

Патăрьел районĕнчи Уткинсен çемйи Мускавра иртнĕ Пĕтĕм Раççейри «Çулталăкри çемье» конкурсра «Нумай ачаллă çемье» номинацире çĕнтернĕ. Çършывăн тĕп хулине награда илмешкĕн 57-ри Каролина Анатольевнăпа 56-ри Анатолий Арсентьевич ултă усрав ывăлĕпе кайнă. Уткинсен 11 ача. Çав шутра 9-ăшĕ усрава илнисем. Икĕ аслă хĕрĕн хăйсен çемйисем ĕнтъĕ.Виçĕ мăнук çитĕнет.Ыттисем хальлĕхе ашшĕ-амăшĕпе пурăнаççĕ.

Пĕрремĕш хут çемье вунă çул каялла ача усрава илнĕ. Çакна тума кĕçĕн ывăлĕ хĕтĕртнĕ темелле. Ял пушанса юлнăран ăна выляма-хутшăнма ача-пăча юлман. Çавăнпа çемьене икĕ тăлăха илнĕ.Ун хыççăн вĕсен йышĕ хушăнсах пынă. Çемье ăшшине, телейне тата тăватă тăлăх-турата парнеленĕ вĕсем. Нумай ачаллă çемьере çуралса (ỹснĕ хĕрарăма çакă хăратман. Шкулта ĕçленĕ май вĕсемпе хăвăрт пĕр чĕлхе тупнă.

Источник: "Хыпар"