09 июня 2017 г.
Федерацин «Çемье фермисем» программине пурнăçлама грант парас ыйтăва тишкерекен республика комиссийĕн ларăвĕ çу уйăхĕн 5-мĕшĕнче иртнĕ.
Конкурса 22 хресчен-фермер хуçалăхĕ хутшăнма кăмăл тунă. Комиссие тăратмалли документсем условисене тивĕçтермен пирки 10-шĕн заявкине йышăнман, 12-шне конкурса хутшăнма ирĕк панă.
Çак фермерсем чи нумай балл пухнă: Р.Санзяпов, А.Лялькин /Патăрьел/, В.Смирнов /Елчĕк/, Р.Янтыков /Улатăр/, В.Иванов /Вăрмар/, А.Игнатьев /Красноармейски/, .Макаров /Канаш/, О.Хлюкин /Шăмăршă/.
Вĕсене хыснаран кăçал субсиди парĕç.
Комисси тата 3 фермера субсиди уйăрас ыйтăва федераци хыснинчен укçа хушса парсан татса парĕ. 12-мĕш фермер конкурс условийĕпе пăхнă 3,5 балран сахалрах пуçтарнă пирки докуменчĕсене каялла панă.
Юрий СЕРЕГИН
Источник: "Хыпар"