25 октября 2016 г.
Чăваш Ишекĕнче пурăнакансем кĕркуннехи-çуркуннехи çумăрсем хыççăн тăванĕсене юлашки çула ăсатма масар еннелле вăрăм кунчаллă атăсăр та каяйман. Малашне вара ял çыннисем çак сăлтавпа тарăхмĕç. Нумай пулмасть çеç кунта 500 метра яхăн çула тикĕс- лесе хăпартнă, вак чул сарса тирпейленĕ. Паян çак ырă та пархатарлă ĕçшĕн ял çыннисем ра-йон Пухăвĕн депутатне Р. Санзяпова кăмăлтан ăш сăмахсем калаççĕ. Хастар та пултаруллă "халăх тарçи" тăван халăхшăн чылай ырă ĕç тăвать.
Хаклав
З. КРАСНОВА, ĕç ветеранĕ:
_ Вăхăтĕнче эпĕ те темиçе созыв депутат пулнă. Халăхпа ĕçлеме, ял тирпейшĕн тăрăшма ансат пулманнине питĕ ăнланатăп. Çапах та укçа-тенкĕ тĕлĕшĕнчен паянхи çăмăлах мар лару-тăрура та депутат ял çыннисен ыйтăвне татса пама пултарни питĕ кăмăллă. Маларах вăл ялти масар картине çĕнетме те пулăшрĕ. Çакăн пек пуçаруллă та тăрăшуллă çынсем ытларах тупăнсан эпир пурăнакан тавралăх тата çĕнелĕ, капăрланĕ.
Источник: "Авангард" (газета Батыревского района)