25 октября 2016 г.
ПАТШАЛĂХ чĕлхисене (вăл шутра чăваш чĕлхине те) аталантарас тата халăхсем хушшинчи туслăха çирĕплетес тĕллевпе Раççей Федерацийĕн вĕрен- тỹпе ăслăлăх министерстви тата Атăлçи федераци университечĕ пуçласа олимпиада ирттерет.
Çак кунсенче Шупашкарта унăн регион шайĕнчи тапхăрĕ иртнĕ. Унта 32 шкул ачи тата 60 ытла студент хăйсен тавракурăмне тĕрĕслеме килĕшнĕ. Вăл шутра Ыхра Çырминчи 11 класра вĕренекен Светлана Максимован ячĕ те пур. Тупăшу хăйне евĕр урăхларах иртнĕ: ачасем 30 тест ыйтăвне хуравланă, эссе çырнă, куçару ĕçне пурнăçланă.
Çăмăл мар тупăшура С. П. Кулакова учительница вĕрентекен пултаруллă та çивĕч ăслă Светлана иккĕмĕш вырăн йышăнма пултарнă. Пĕтĕмлетỹ тапхăрĕ чỹк уйăхĕнче Мускавра иртмелле. Унта çĕнтерỹçĕсемпе призерсем хамăрăн район чысне хỹтĕлĕç. Мĕнех, ăнăçу сунатпăр сана, Светлана! .
Источник: "Авангард" (газета Батыревского района)