Публикации » Курăк чейĕн кунĕ

06 февраля 2016 г.

Тахçан ĕлĕкрех медикаментсемпе сиплĕ эмелсем çинчен пĕлмен те. Тĕрлĕ курăкпа усă курнă. Çут çанталăк пуянлăхне эпир те вырăна хума тĕллев тытрăмăр. Грипп алхасма пуçланă тап- хăрта çакă вырăнлă та пулĕ тетпĕр. Çавна май Ыхра Çырминчи вăтам шкулта фиточей (курăксенчен хатĕрленĕскер) кунне ирттертĕмĕр. Яваплисем вара технологи вĕрентекен Т. Даутова ертсе пыракан улттăмĕшсем пулчĕç. Вĕренекенсем ку темăпа пуян материал пуçтарчĕç. Курăксемпе çырласенчен чей вĕретрĕç. Ун çумне кĕлентăрпа сахăрне те хучĕç. Сиплĕ шыв пурне те илĕртрĕ. Классенче грипп чирĕ ересрен сыхланса калаçусем ирттерни те вырăнлă пулчĕ. Кашнийĕшĕ пĕр-пĕр тĕрлĕ курăк е чечекĕ, çулçи мĕнле чиртен сипленине аса илчĕç. Черетлĕ мероприяти хăйĕн "çимĕçне" парасса шансах тăрас килет. Чир-чĕр ачасенчен айккине пăрăнĕ.

Р. ВАХИТОВА

Источник: "Авангард" (газета Батыревского района)