27 сентября 2014 г.
КĂÇАЛХИ сентябрĕн 14-19-мĕшĕсенче Латвири Вильнюс хулинче армспорт енĕпе 36-мĕш тĕнче чемпионачĕ иртнĕ. Унта 46 çĕр-шывран 900 ытла спортсмен хутшăннă. Ăмăртăва тĕрлĕ виçе категорийĕсене пайланă. Раççей Федерацин 18 çултан пуçласа 21 çулчченхи командинче пирĕн ентеш Эльмира Алеева хутшăннă, хăйĕн виçинче 3-мĕш вырăн йышăннă.
Эльмира Ыхра Çырми ялĕнче çуралса ỹснĕ, хальхи вăхăтра И.Н. Ульянов ячĕллĕ университетра юриста вĕренет, спортпа шкулта чухнех туслашнă. Унăн пĕрремĕш физкультура учителĕ Ильдар Камалетдинов пулнă, тренерĕ - Ильфак Алеев. Хальхинче те студентка ăмăртăва тăван тăрăхри "Паттăр" спорт комплексĕнче хатĕрленнĕ. Эльмирана малашне те спорт каçалăкĕнче пысăк çитĕнỹсем сунатпăр.
Источник: "Авангард" (газета Батыревского района)