Публикации » Ишексен хăйсен ял палли пур

30 ноября 2013 г.

 ЮХМАПА Пăла тăрăхне кĕрекен ялсен укăлчисенче шурă çине хурапа çырнă ячĕсем çакăнса тăраççĕ. Чăваш Ишекĕн те çаплахчĕ-ха. Нумай пулмасть вара çак ялта виç çĕр çул каяллах тымар янă халăха чыс та хисеп туса пысăк парне кỹрекенсем тупăннă, хăйсен чиккинчи çул хĕррине историпе çыхăнтаракан капăр юпа лартнă. Ăна вырнаçтарас шухăшпа çурçĕрте тăрăшакан ял каччи В. Огурцов тухнă иккен. Çак хастарах укçине те уйăрнă. Кỹлепине вара Вячеслав Эткер ỹнерçĕ касса хатĕрленĕ. Юпа тăррине алтăр вырнаçтанă, ун çине вара ял ятне тата ăна никĕсленĕ çула çырса хунă. Ишексем Шупашкар районĕнчен куçса килнĕ-мĕн.

Источник: "Авангард" (газета Батыревского района)