28 августа 2013 г.
Ыхра Çырминчи вăтам шкулта ачасен шучĕ пысăках мар. Çулсерен унта виçĕ ялтан 170-180 вĕренекен шкул сукмакне такăрлатать. Анчах пĕлỹ илес туртăм малта вĕсен. Ăс пухмасăр пурнăç çулĕпе утса тухма май çуккине лайăх ăнланаççĕ. Кашни çулах выпускниксенчен ытларахăшĕ аслă шкула пĕлỹ пухма кĕрет. Кăçал та, акă, вун саккăрăн вĕренсе тухрĕç, вун тăваттăшĕ Хусан, Шупашкар, Ульяновск университечĕсен студенчĕ пулса тăчĕç. Тăваттăшĕ вара техникумра пĕлĕве малалла тăсаççĕ.
С. КУЛАКОВА
Источник: "Авангард" (газета Батыревского района)