Публикации » Шкул форми çирĕм çултан таврăнчĕ…

20 июля 2013 г.

ШКУЛСЕНЧЕ вĕренекенсен ятарлă тумне улăштарни нумаях та вăхăт мар пек, анчах та вĕренекенсем хăмăр кĕпепе шурă саппун тăхăнма пăрахни çирĕм çул та çитрĕ. Кăçалхи Пĕлỹ кунĕнчен пуçласа вĕренỹ учрежденисенче "йăнăша" тỹрлетсе формăна çĕнĕрен ĕçе кĕртесшĕн. Çавăнпа та кăçалхи сентябрĕн 1-мĕшĕнче пирĕн районти шкулсенче те ачасем нихçанхинчен те капăр та, чипер те пулмалла. Ку тĕлĕшпе чылай коллективсенче ыйтăва татнă та ĕнтĕ. Çак кунсенче Ыхра Çырминчи вăтам шкулта "Кайсаров" çĕвĕ фабрики шкул тумĕсен куравне йĕркеленĕ. Ачасен 80 проценчĕ ытла хăйсене кăмăла каякан тумсене туяннă.

Источник: "Авангард" (газета Батыревского района)