Публикации » РАЙОН ЧЫСНЕ ХÿТĕЛЕРĕ

Шкулта тăрăшса вĕренекен ачан ĕçĕ питĕ нумай. Уроксене хатĕрленнисĕр пуçне предмет олимпиадисене, наукăпа практика конференцине, ытти мероприятисене хутшăнать вăл. Обществăлла ĕçрен пăрăнмасть. Активли çинех ытларах та ытларах тиеççĕ. Шăпах çаксенчен пĕри тесе калас килет Ыхра Çырминчи Ю. Кулаковăна (ÿкерчĕкре). Ку хутĕнче Юля Шупашкарти ачасемпе çамрăксен ăсталăх керменĕнче иртнĕ конкурса хутшăнчĕ. Унта кайма районти мероприятинче çĕнтерни пулăшрĕ. Çамрăксемпе ачасен лидерĕсем хушшинчи республикăри конкурс виçĕ ушкăнпа пулчĕ. Пĕринче 12-13 çулсенчи, иккĕмĕшĕнче – 14-18, виççĕмĕшĕнче 18-25 çулсенчисем ăмăртрĕç. Юля пĕрремĕшне çакланчĕ. “Манăн толерантлă шкул” темăна хÿтĕлерĕ. Унта видеоролика презентациленине çеç шута илмеççĕ. XXI ĕмĕрти шкул пурнăçĕн проектне, портфолиона тишкереççĕ. Сумлă жюри умĕнче çухалса каймарĕ Ю. Кулакова. Вăл пĕрремĕш вырăн çĕнсе илсе кубокпа диплома тивĕçрĕ.