18 марта 2016 г.
Пĕр 50 çул каялла Тури Чакăри Фроловсен çемйине шăпчăк сассиллĕ "вĕçен кайăк" вĕçсе килет. 7 çул иртсен тантăшĕсемпе пĕрле шкула чупма пуçлать. В. Фролов ỹснĕçемĕн кашни мероприятине хастар хутшăнма тытăнать, вĕре- нỹре, спорт вăййисенче хăйне кăтартма ĕлкĕрет. Çул çитсен юлташĕсемпе пĕрле çар ретне тăрать. Мурманск облаçне лекет. Тинĕс-çар флотĕнче хăйĕн пултарулăхне кăтартать. Тивĕçне чыслăн пурнăçланă хыççăн Çĕрпỹри культура училищинче музыка профессине илет. Каярахпа Владимир Григорьевич Шупашкарти юрăпа ташă ансамблĕнче музыкант, юрăç пулса вăй хурать. Амăшĕ пĕччен пулнăран вара яла таврăнма тỹр килет. Клубра, Шăхачри шкулта хăйĕн ĕçĕпе тăрăшать. Ялсенче газ кĕртме пуçласан хуçалăхсенче кăмака çавăрма пуçлать.
Ỹркенмен ăста пулнă тесе ахальтен каламаççĕ. Ăна районти ВДПОна чĕнсе илеççĕ. Çавăнтанпах кашни ялтах илемлĕ те паха кăмакасем çавăрать.
Мăшăрĕпе икĕ ача ỹстереççĕ Фроловсем. Аслă ывăлĕ Чăваш патшалăх университечĕн 5 кур- сĕнче вĕренет, врач пулма хатĕрленет. Кĕçĕнни те Светлана Ильинична çулĕпе кайнă. Вăл кăçал медицина колледжĕнчен вĕренсе тухать.
А. ФРОЛОВ
Источник: "Авангард" (газета Батыревского района)