07 ноября 2015 г.
ЧĂВАШ халăхĕн Патриархĕ И. Я. Яковлев вилнĕ кун, юпа уйăхĕн 23-мĕшĕнче, Чăваш Енрен унăн тăван ялне _ Тутар Республикинчи Кăнна Кушкине _ кашни çулах сумлă делегаци каять. Кăçал унта ЧР Культура министерствин пай пуçлăхĕ С. Казаков ертсе пынипе ЧНК членĕсем, журналистсемпе культура ĕçченĕсем тата пирĕн районти Тури Чакăри культура çуртĕнчи "Чемен" фольклор коллективĕ те çитсе килнĕ.
Çутта кăлараканăмăр çĕршывĕнче Чăваш Енрен килнисене Кăнна Кушки ял тăрăхĕн пуçлăхĕ тата виçĕ наци çынни хăйсен тумне тăхăнса кĕтсе илнĕ. Делегаци И. Яковлев музейĕпе паллашнă, вăл çуралнă çурт вырăнĕнче хăпартнă часовньăна çитсе курнă.
Каçхине культура çуртĕнче "Чемен" фольклор коллективĕ тата "Чăваш пикисем" ташă ушкăнĕ курма килнисене хăйсен пултарулăхĕпе савăнтарнă.
Источник: "Авангард" (газета Батыревского района)