07 марта 2015 г.
АСЛĂ Чементе пурăнакан Медведевсем пирки шăпах çак сăмахсене калас килет. Сывă пурнăç йĕркине пăхăнса пурăнаканскерсем, вĕсем районта иртекен кашни спорт мероприятинех хастар хутшăнаççĕ çеç мар, малти вырăнсене те çĕнсе илеççĕ. Кунпа та лăпланса лармасть спорт çемйи. Акă, нумай пулмасть Шупашкарта Республика Пуçлăхĕн парнине çĕнсе илес тĕллевпе йĕркеленĕ йĕлтĕрçĕсен ăмăртăвĕнче те ял тăрăх пуçлăхĕ Гаврил Федоровичпа ялти вăтам шкул директорĕ Марина Викентьевна çиччĕмĕш класра вĕренекен Виктор ывăлĕпе йĕлтĕр йĕрĕ çине тăнă, ытти хастарсемпе пĕрлех финиша начар мар чупса çитнĕ. Медведевсен çемйинчен ыттисен те тĕслĕх илмелĕх пур.
Источник: "Авангард" (газета Батыревского района)