Публикации » "Авангарда" халалласа

07 февраля 2015 г.

 Çырăнатăп юратса,

Çулсерен эпĕ сана.

Чăтăмсăр кĕтеп савса

Юн кунпа шăмат куна.

Çулупа эс "шурсухал",

Опыту сан пит пуян.

Чылай савнăç-хуйхăна,

Вулаканпа эс пайлан.

Хыпарпа паллаштаран,

Пулăмсе сỹтсе яван,

Сумлă çынсене мухтан,

Тĕрлĕ ыйту хускатан.

Спортпала туслаштаран,

Пĕлтерỹсене çапан,

Сывлăх çинчен пĕлтерен,

Пуçватмăшсем йĕркелен.

Ăш саламсем шăрçалан,

Чи ыррине çеç сунан,

Çынсене савăнтаран,

Пурăнма вăй-хал паран.

Вулаканшăн чăнахах

Чун апачĕ эс пулан.

Чĕререн сана тавах,

Эп калатăп кăмăлтан.

Çуралнă кун ячĕпе

Саламлатăп эп паян.

Хăвăн ĕçỹ-хĕлỹпе

Савăнтар пире ялан.

Пултăр çивĕч сăмаху,

Пултăр çут пуласлăху. Т

иражна ỹстер ялан.

Пулĕ вара йăлт аван.

Надежда Кошелева. Аслă Чемен ялĕ.

Источник: "Авангард" (газета Батыревского района)