09 августа 2014 г.
Аслă Чементи вăтам шкул кашни çулах вĕренекенсене çуллахи каникул вăхăтĕнче ĕçпе тивĕçтерме тăрăшать. Кăçал та "Трудовой десант" бригадăра 16 ача ĕçлерĕмĕр. М.Медведева, Н.Кошелева тата И.Капитонов вĕрентекенсем пире тĕрлĕ ĕçре пулăшса пычĕç. Малтанах эпир купăста, чĕкĕнтĕр, помидор, хăяр, тата чечексем акса лартрăмăр. Кайран вĕсене çу тăршшĕпех шăварса, çум курăкран тасатса, кăпкалатса тăтăмăр. Çав хушăрах эпир, çĕнĕ вĕренỹ çулне хатĕрленсе, классене сăрласа тирпей - илем кĕртрĕмĕр.
Лагерь питĕ интереслĕ те усăллă иртрĕ. Каннă хушăра тĕрлĕ спорт вăййисем, ăс-тăна аталантаракан мероприятисем ирттертĕмĕр.
А. Кадушкин, А. Вашуркин, К. Иванов, Д. Сергеев, А. Лысов, В. Кузьмин, А. Семенов вĕренекенсем шкул йĕри-тавра карта тытрĕç. Л. Антонова, А. Семенова, А. Таганова, Т. Лещева, Т. Сюзюкина, А. Михайлова пур ĕçе те хастар хутшăнчĕç. Алла укçа илсессĕн вара питĕ хĕпĕртерĕмĕр, малашне те ĕçлес кăмăл çуралчĕ. Т. СЮЗЮКИНА
Источник: "Авангард" (газета Батыревского района)