12 марта 2014 г.
2014 çулхи апрелĕн 13-мĕшĕ _ вырăнти самоуправлени органне хушса суйламалли кун. Патăрьел территори суйлав комиссийĕн черетлĕ ларăвĕнче Чăваш Республикин "Вырăнти самоуправлени органĕн суйлавĕ çинчен" саккунĕпе килĕшỹллĕн Аслă Чемен ял тăрăхĕнчи депутатсен Пухăвĕн депутачĕ пулма пĕр мандатлă улттăмĕш суйлав округĕпе тăратнă кандидатсене регистрацилес ыйтăва пăхса тухнă. Вĕсем çаксем: Николай Никитич Медведев _ "Коммунистическая партия Российской Федерации" политика партийĕнчен, Эльвира Васильевна Медведева _ "Единая Россия" политика партийĕнчен.
Ларура çамрăк суйлавçăсен кунĕпе çыхăннă мероприятисене те пĕтĕмлетнĕ. Унăн итогĕпе интернет-викторинăра çĕнтернĕ Валентина Горбунована Хисеп грамоти тата парне парса чыс тунă, ЧПУн Патăрьелĕнчи филиалне çамрăк суйлавçăсен кунĕнчи хастарлăхшăн Тав сăмахĕ каланă.
Хамăр корр.
Источник: "Авангард" (газета Батыревского района)