05 марта 2014 г.
Выпускникпа Аслă Чементи вăтам шкулта 8, 11 классенче вĕренекенсем Чăваш патшалăх университечĕн чăваш, вырăс филологийĕпе журналистика факультетĕнче пĕрремĕш курсра пĕлỹ пухакан М. Самделовапа тĕл пулу ирттерчĕç. Мария ялта вĕреннĕ чухнех Республика Пуçлăхĕн стипендине, нумай конкурспа ăмăртура çĕнтерỹçĕ ятне тивĕçнĕ. Калаçу та интереслĕ иртрĕ выпускникпа. Н. Кошелева вĕрентекен унпа пире акăлчанла хутшăнтарчĕ. Мария университетра урăх çĕр-шыв студенчĕсемпе пĕрле вĕренет мĕн. Вĕренỹ, вĕрентекенсем, юлташĕсем çинчен тĕплĕн каласа пачĕ вăл. Юлашкинчен пире те шкулта тарăн пĕлỹ пухма, ют чĕлхене тăрăшса алла илме сĕнчĕ. Унăн сăмахĕсем ăша кĕрсе юлчĕç.
Д. МОИСЕЕВА
Источник: "Авангард" (газета Батыревского района)