18 декабря 2013 г.
Аслă Чементи вăтам шкулти улттăмĕш классем сăра этем пурнăçĕнче мĕнле сиен кỹни çинчен уççăн калаçрĕç. А. Ананьева вĕрентекен хăйĕн сăмахне Раççей Федерациĕн тĕп санитари врачĕ Г. Онищенко сĕнĕвĕпе ахальтен пуçламарĕ ĕнтĕ: "СПИД та, туберкулез та пĕтермест Раççее. Сăра алкоголизмĕ çитĕнекен ăрăва хавшатать. Ун çулĕ çине тăмалла мар".
Малалла сăра сиенĕ çинчен нумай пĕлчĕç ачасем. Ăна ĕçмелли мар сăлтавсене уççăн палăртрĕç. "Хирĕçлеме пĕл!" вăйă та интереслĕ пулчĕ. Сăра сиенĕ çинчен презентаци пăхни те кăмăла кайрĕ.
Н. КОШЕЛЕВА
Источник: "Авангард" (газета Батыревского района)