09 октября 2013 г.
АСЛĂ ЧЕМЕНТИ вăтам шкулта вĕренекенсем районта йĕркелекен олимпиадăсемпе конкурссене çеç хутшăннипе çырлахмаççĕ, пысăк шайри тупăшусене хутшăнса ăсне, тавра курăмне тĕрĕслеççĕ. Çак кунсенче республикăра Тавралăха сыхламалли çулталăка халалланă чаплă ỹкерчĕксемпе чи вăрăм та тарăн шухăшлă сочиненисен тупăшăвне пĕтĕмлетнĕ. Тỹресен пахаламалли сахалах пулман: 16 районтан 342 пултарулăх ĕçне пăхса тухнă. Хăйĕн талантне пилĕк вĕренекен те тĕрĕсленĕ, анчах çĕнтерỹçĕсен ушкăнне вуннăмĕш класри Лидия Антонова çеç çакланнă. Вăл хатĕрленĕ "Эпир куратпăр, илтетпăр, хỹтĕлетпĕр" проекта малашне Раççей шайĕнче пахалĕç.
Источник: "Авангард" (газета Батыревского района)