12 сентября 2012 г.
Ĕмĕр тăршшĕпе пĕрле пурнас, телейлĕ пулас тесе çамрăк мăшăрсем тем тума та хатĕр çав. Акă виçĕ çиччĕ (7. 07. 2007), виçĕ саккăр (8. 08. 2008) чухне ăмăртмалла тенĕ пек туйсем кĕрлерĕç. Пурте пурнăçри паллă самант асăнмалăх юлтăр тесе тăрăшаççĕ. Сăн ÿкерчĕксемпе видео ÿкернисĕр пуçне каччăпа хĕр Çырăнтару керменне çемье çавăрнине регистрацилеме каймашкăн чаплăран та чаплă машинăсем тара тытаççĕ. Иртнĕ эрнере, акă, Аслă Чемен йĕкĕчĕ Муркаш хĕрне венчете тăма сарă тĕслĕ лимузинпах кайса илчĕ. Пуянах çав Патăрьел халăхĕ! Сăмах май, лаша кÿлнĕ тăрантаспа мăшăрланма килекенсем те пур.
Источник: "Авангард" (газета Батыревского района)