Публикации » ТĕЛ ПУЛУРА – СТЮАРДЕССА

Аслă Чементи вăтам шкултан маларахри çулсенче вĕренсе тухнă, Халĕ Мускав аэрофлотĕнче бортпроводникра вăй хуракан Е.Чегаевăна 9-11-мĕш классене çÿрекенсем уçă калаçăва чĕнчĕç. Калаçу чăвашла та, вырăсла та мар, акăлчанла иртрĕ. Испани чĕлхипе те калаçса тĕлĕнтерчĕ хĕр. Хăйĕн ĕçĕ çинчен презентаци кăтартрĕ. Çакна тума майĕ те пулчĕ. Катя стюардесса пулса тĕрлĕ çĕр-шыва вĕçет. Вăхăтĕнче хĕр алла аттестатпа пĕрлех ылтăн медаль илнĕ. Унтан чăваш патшалăх педагогика университечĕн ют чĕлхесен факультетне куçаруçă пулма вĕренме кĕнĕ. Çунатлă ĕмĕчĕ дипломлă специалиста çĕр-шыв тĕп хулине илсе çитернĕ, анлă тавракурăмлă пулнипе, вырăс тата акăлчан чĕлхисемпе таса калаçнипе палăрса тĕрĕс-левре тивĕçлĕ балсем пухнă. Унтан Катя 3 уйăхлăха авиаци персоналĕсене хатĕрлекен курса çÿренĕ.

Испани, Израиль çĕр-шывĕсенче, Рим, Венеци, Париж, Лондон, Осло хулисенче пулса курни нумайлăха унăн асĕнче юлатех. Катя йышлă çын лартакан Ил-96 самолетпа вĕçеве çÿрет. Çавăнпа унăн калаçăвĕ те интереслĕ пулчĕ. Ялтан çакăн пек профессие суйласа илекен пулни пурне те савăнтарчĕ .