18 января 2022 г.
РЕСПУБЛИКĂРА Мухтавлă ентешсен çулталăкĕ старт илнĕ май пирĕн районта та вырăнти хисеплĕ те паллă çынсене чыслама пикенчĕç. Акă, Хирти Пикшикри культура çуртĕнче январĕн 13-мĕшĕнче 124 çул тултарнă паллă драматурга, поэта, театр ĕçченне, çак ялта çуралса ỹснĕ Фетхи Бурнаша хисеп туса сумлă мероприяти йĕркеленĕ. Культура, вулавăш ĕçченĕсем ентешĕн биографийĕпе, пултарулăхĕпе паллаштарнă. Фетхи Закирович Бурнашев (Бурнаш) 20 ытла пьеса авторĕ. Вĕсене Хусанти, Аçтăрханти, Пушкăртстанри сценăсем çинчен кăтартнă.
Çак кунхинех районти централизациленĕ библиотека системинче драматургăн кĕнекисен куравне йĕркеленĕ. Юхмапа Пăла тăрăхĕнче ырă сăмаха тивĕçлĕ ентешсем сахал мар. Малашне Мухтавлă ентешсен çулталăкне халалланă материалсемпе "Авангард" хаçатăн страницисенче вулакана паллаштарсах тăрăпăр.
Источник: "Авангард" (газета Батыревского района)