13 сентября 2019 г.
Юлашки çулсенче Юхмапа Пăла тăрăхĕнче çамрăксем хушшинче сывă пурнăç йĕркине сарас, çынсене спортпа физкультурăна явăçтарас тĕллевпе тĕрлĕрен мероприяти сахал мар иртет. Акă, çак кунсенче çеç Тикешре Раççей спорт мастерĕн, И. Н. Ульянов ячĕллĕ ЧПУн физвоспитанин аслă преподавателĕн Сергей Анатольевич Семеновăн парнисене çĕнсе илессишĕн ирĕклĕ майпа кĕрешекенсен уçă турнирне йĕркеленĕ. Çак ятпа спортсменсем иккĕмĕш хут çеç кавир çине тухнă пулин те, ăмăрту питĕ çивĕч иртнĕ. Турнирта Чăваш, Тутар, Мордва Республикисенчен, Ульяновск облаçĕнчен килнĕ 100 ытла кĕрешỹçĕ хăйсен виçе ушкăнĕсемпе маçтăрлăхне, ăсталăхне кăтартнă.
Источник: "Авангард" (газета Батыревского района)