07 сентября 2018 г.
ÇИТЕС çул район центрĕнче пурăнакансем çеç мар, ял çыннисем те сцена çинчен юрă-ташă ăстисемпе пĕрлех театр артисчĕсене те курса савăнма пултараççĕ. Мĕншĕн тесен çывхарса килекен çĕнĕ çул Чăваш Енре Театр çулталăкĕ пулĕ. Çавна май культура учрежденийĕсен ĕçченĕсен ку тĕлĕшпе мероприятисен планне çывăх вăхăтрах хатĕрлеме тивĕ. Сăмах май каласан, пирĕн районти культура çурчĕ çумĕнче (ертỹçи Л. Спинова) тата Хирти Пикшикри (ертỹçи Д. Салахова) театр артисчĕсем çулсеренех халăха çĕнĕ спектакльпе савăнтараççĕ. Шанас килет, Театр çулталăкĕ те вĕсемшĕн çеç мар, ытти ялсенчи культура учрежденийĕсемшĕн те тухăçлă иртĕ.
Источник: "Авангард" (газета Батыревского района)