21 ноября 2017 г.
Раççейре, çавăн пекех республикăра та наркотиксемпе айкашакан, суту-илỹ тăвакан çынсемпе кĕрешес тĕллевпе йĕрке хуралçисем тăтăшах тĕрлĕ акци йĕркелеççĕ. Вĕсенчен пĕри çулсеренех "Ăçта вилĕм сутаççĕ, пĕлтер!" ятпа иртет. Хальхи вăхăтра шăпах акцин юлашки кунĕ-сем иртсе пыраççĕ. Çак тапхăрта наркотикпа е унăн хутăшĕпе усă куракансене е сутă тăвакансене асăрхасан çийĕнчех район полицине шăнкăравламалла.
Сăмах май каласан, Юхмапа Пăла тăрăхĕнче ку тĕлĕшпе лăпкă. Районти врач-нарколог Н. Надина хаçат редакцине пĕлтернĕ тăрăх, хальхи вăхăтра усал амакпа çыхăннă икĕ студент тата пĕр çамрăк шутра тăраççĕ. Вĕсем тарăна кайнă наркомансем мар, çапах та ăна усă курса пăхнăскерсем. Урăхла каласан, "шурă вилĕмрен" хăтарас тĕллевпе вĕсемпе çулталăк тăршшĕпех сăнав ирттереççĕ: кашни уйăхрах анализсем илеççĕ, профилактика пĕлтерĕшлĕ калаçусем йĕркелеççĕ...
Источник: "Авангард" (газета Батыревского района)