28 апреля 2017 г.
Нумай хутчен çăмăл атлетикăпа Совет Союзĕн чемпионки пулнă, тĕнче класлă СССР спорт мастерĕ, Тикешре çуралса ỹснĕ Фаина Краснова ячĕпе йăлана кĕнĕ республикăри чупу иртрĕ. Унта шкулсенче вĕренекенсем тата ял тăрăхĕсенче пурăнакансем хутшăнчĕç. Спортсменсене район администраци пуçлăхĕн пĕрремĕш çумĕ, райадминистрацин социаллă аталану, туризм тата вырăнти хăйтытăмлăх органĕсемпе ĕçлекен пай начальникĕ М. Айзатуллов, Пикшик ял тăрăхĕн ертỹçи В. Мефодьев саламларĕç.
Старта 16 командăран 150 яхăн çăмăл атлет тăчĕ. Хăйсен ỹсĕм çулĕсенче Первомайскинчи вăтам шкулти К. Осипова, К. Петухова, Патăрьелĕнчи пĕрремĕш вăтам шкулти Ю. Кубиков, Е. Селиванов, Шупашкарти олимп резервĕсен училищинчи К. Чемеровапа П. Тинюков вĕренекенсем пĕрремĕш вырăнсене тухрĕç. Аслăрах çулхисенчен Нăрваш Шăхаль ял тăрăхĕнчи И. Петрова, П. Лаврентьева, М. Николаева, В. Бородкин, Çĕньял ял тăрăхĕнчи Я. Вазюков, В. Макаров, Комсомольски районĕнчи А. Давыдов малти вырăнсене йышăнчĕç. А. Селиванов ятарлă приза тивĕçрĕ.
Тĕп шкулсемпе илес пулсан Первомайскисем пĕрремĕш, Патăрьелĕнчи пĕрремĕш вăтам шкул иккĕмĕш, Аслă Чеменсем виççĕмĕш вырăнсенче.
Вăтам шкулсенчен те пьедестал картлашки çине çỹлерех асăннă вĕренỹ учрежденийĕсен командисемех улăхма пултарчĕç.
Ял тăрăхĕсенчен Нăрваш Шăхальсем, Çĕньялсем, Пикшиксем малта пулчĕç. Çĕнтерỹçĕсем грамотăсемпе парнесене тивĕçрĕç.
Источник: "Авангард" (газета Батыревского района)