22 апреля 2016 г.
Нумай пулмасть районти ученăйсен ретне тепĕр çын хутшăнчĕ. Кĕçĕн Арапуç хастарĕ А. В. Селиванов çак кунсенче ял хуçалăх наукисен кандидачĕн дипломне алла илчĕ. Ĕç çынни çулталăкĕнче наука шайĕнче хисеплĕ ята тивĕçни _ пысăк хак, çитĕнỹ.
Алексей Викторович хальхи вăхăтра Комсомольскинче "Çĕр улмине _ мухтав" çĕр ĕç фирминче аслă агрономра хăйĕн ăсталăхне туптать. Асăннă фирма ял хуçалăх культурисем туса илес тĕлĕшпе Раççей шайĕн- чех паллă. Вĕсен ĕçĕ-хĕлĕ, аталанăвĕ пирки Чăваш Енте те илтмен çын çук-тăр. Сăмах май каласан, паян Селивановсен çемйине агрономсен династийĕ тесе хак пани те вырăнлă. Акă, Алексейĕн ашшĕ, Виктор Алексеевич Чăваш Республикин тава тивĕçлĕ агрономĕ, вăхăтĕнче вăл çак профессипе хуçалăхра чылай çул тăрăшса вăй хунă. Халĕ ĕнтĕ тивĕçлĕ канура. Слава ятлă пиччĕшĕ те çĕр ĕçченĕн хисеплĕ профессипе Шупашкар районĕнче ĕçлет. Людмила мăшăрĕ Комсомольскинче вăрлăх инспекцинче тăрăшать.
Источник: "Авангард" (газета Батыревского района)