14 ноября 2015 г.
Виçĕмкун, ноябрĕн 12-мĕшĕнче, район администарци пуçлăхĕ Рудольф Селиванов ĕçлĕ çул çỹревпе Пикшик ял тăрăхĕнче пулнă. Район ертỹçи вĕрентỹ учрежденийĕсен ĕçĕ-хĕлĕпе, ял тăрăхĕнчи çулсен пахалăхĕпе, халăха паракан медицина тивĕçтерĕвĕ мĕнлерех шайра пулнипе кăсăкланнă.
Администраци çуртĕнче йĕркеленĕ тĕл пулăва район администраци пуçлăхĕн çумĕсем Мансур Калмыковпа Валерий Осипов, райадминистрацин структура подразделенийĕн, районти тĕп больница тата район полицийĕн ертỹçисем те хутшăннă, граждансен ыйтăвĕсене хуравланă.
Тĕл пулура Р. Селиванов район аталанăвĕпе, малашлăх плансемпе паллаштарнă хыççăн Пикшик ял тăрăхĕн çĕнĕ пуçлăхĕ Владимир Мефодьев поселени умĕнче тăракан плансем пирки чарăнса тăнă. Çак кунсенче районти пĕрремĕш çĕнĕ ял пуçлăхĕпе хатĕрленĕ материалта Пикшик ял тăрăх пурнăçĕ, аталанăвĕ пирки тĕплĕнрех паллашма пултаратăр.
Хамăр корр.
Источник: "Авангард" (газета Батыревского района)