Публикации » Ыйту пурне те пăшăрхантарать

05 марта 2014 г.

ÇАК кунсенче "Авангард" хаçат редакцине Кĕçĕн Арапуç чăвашĕ Василий Селиванов хăйĕн пăшăрханăвĕпе кĕчĕ. Хаçат тусĕн ыйтăвĕпе вара килĕшмесĕр те май çук темелле. Хисеплĕ çыннăмăр ку чухне хуçалăхра çутăпа усă курнăшăн тỹлемелли йĕрке унчченхипе танлаштарсан çав тери кăткăсланса кайни пирки сăмах çĕклет. Унччен çурт хуçи хăйĕн счетчикĕ çинчи цифрăсене çырса илнĕ те абонент кĕнекипе почтăна кайса тỹленĕ. Çакăнпа ĕçĕ те пĕтнĕ. Халĕ вара пач урăхла. Малтан çутă расхучĕ пирки шăнкăравласа е кайса каламалла. Ун хыççăн почтăрах мĕн чухлĕ тỹлемелли хутне шыраттармалла, укçине кайса илмелле... Кут айĕнче çăмăл автомашина пулсан унталла та кунталла чупăн-ха. Пĕччен пурăнакан ватăсен еплерех майне-шывне тупмалла? Электроэнергишĕн вăхăтра тỹлемесен вара никама та пуçран шăлмаççĕ.

Источник: "Авангард" (газета Батыревского района)