27 января 2016 г.
Çемьере 4 хĕр ỹссе çитĕннĕ Ишлĕри Сорокинсен. Александра Григорьевна 1936 çулхи январĕн 16-мĕшĕнче 80 çул тултарчĕ (ỹкерчĕкре).
Кукаçи _ Григорий Иванович _ 1942 çулта вăрçă хирĕнче вилнĕ.
_ Выçлăхне те, хурлăхне те нумай куртăмăр,_ час-часах куççуль витĕр аса илсе каласа парать анне. Çавах чăтнă ял халăхĕ. 1962 çулта вăл Василий Ивановича качча тухса çемье çавăрнă. 5 ача çуратса ỹстернĕ мăшăр. Вĕсем пĕрин хыççăн тепри кайăк чĕпписем пек тĕп килтен вĕçсе тухса кайнă. Халĕ аттепе анне иккĕшех пурăнаççĕ. Александра Григорьевна колхозра çур ĕмĕр ытла вăй хунă. Аттен те çавăн пекех. Анне "Ĕç ветеранĕ", "Материнская доблесть" медальсене тивĕçнĕ. Аттен колхозра сухаламан çĕр лаптăкĕ юлманах ĕнтĕ.
Халĕ 12 мăнукпа, 3 кĕçĕн мăнукпа савăнса пурăнаççĕ Красновсем. Ывăлĕсем, кинĕсем, хĕрĕсемпе кĕрỹшĕсем, мăнукĕсемпе кĕçĕн мăнукĕсем аттепе анне утса тухнă çулпа савăнатпăр. Хамăра çуратнăшăн, лăпкаса ỹстернĕшĕн, юратнăшăн, чĕкеç чĕлхи парнеленĕшĕн тав туса ырлăх-сывлăх, телей сунатпăр.
О. НИКОЛАЕВА
Источник: "Авангард" (газета Батыревского района)